الأربعاء، 23 ديسمبر 2015

انسان جسد عايش والقلب ميت
طموحه بقا نوحه ومن الجرح ميت
ووجعه فين يبوحه دا طول عمره متشيل
متشيل هم من صغره ومستقبله مش جيد
عشان عارف نهاية مستقبله متقيد
طول عمره حلمه انه يتهنى
ويحقق الى رسمه فى دنيته ويكون جيد
لاكن ظروف حياته ودونيته خلته انسان ميت
خريج جامعة وشهادة عاليه
وف الوظايف بشهته مش متقيد
يقوم يدور على غربة
عشان يكمل حياته وف الظروف يكون جيد
يدفع دم قلبه ويبيع كمان من ارضه
عشان يجيب سفريته وف الغربة يتقيد
يشوف زول فى محنته
ويكون عبد فى ايد كفيل ويصبح الكفيل عليه سيد
شاب عاش حياته شقا وغربة وعبد لكفيل سيئ
وضاع شبابه سنين غربه رغم ان علامه جيد
وبعد سنين الظلم والضياع
اصبح روح فى جسد ميت
وهوا دا حال شبابنا روح وطموح ميت ......
بقلم شاعر العامية (أيمن محمد الوردانى)

(هانت عليكى )
هانت عليكى تقوليها 
والذكرة الحلوة تمحيها
وجالك قلب ازاى وقولتيها
دنا مديتلك ايدى وانتى رفطيها
صارحتك بحبى
وقولتلك اوهبك حياتى ولى فيها
ولاعرفت قبلك فى حياتى ولا فى ماضيها
تيجى انتى كدا بسهولة وتنطقيها
دنتى كنتى لروحى فرحه
ومحيتى الظلام فيها
وجعلتى لوجهى بسمة والامل فيها
وكانت حياتى فرحه عشان انتى فيها
وصورتك ديما فى خيالى
وف جفون عينى مخبيها
وطلبتك شريكة حياتى
وحياتنا بئدينا نبنيها
قومتى انتى فى ثوانى رفطى وهديتيها
كسرتى قلبى والفرحه ومعانيها
وصدقينى انا مش ندمان
انا اوهبك حياتى ولى فيها
بس ايدى ليه رفطيها ؟؟؟؟؟
بقلم شاعر العامية (أيمن محمد الوردانى)

الجمعة، 18 ديسمبر 2015

نعمة النسيان
حاجه جميلة فى هذا الزمان
ليها معانى وف الحياة بتبان
ننسى الم ووجع على الوشوش بيبان
ننسى كلام جارح طامش يمحى الكيان
ننسى حب فات عدا مع الايام
حب خلا القلب وجع وألام
وننسى عيشه مرة صعبة ذى الامتحان
عيشه مبيحسش بيها غير الغلبان
عيشه الضعيف فيها اكل للشبعان
ولكل ظالم جاحد جبان
يا نعمة النسيان
نسينى كمان وكمان
نسينى مرارة الايام
نسينى الظلم والطغيان
نسينى نومى وانا جعان
نسينى احلامى الى ضاعت مع الزمان
نسينى انا المواطن الغلبان
الى ماشى جمب الحيط وبقا اكل للشبعان
لا معاه شقه ولاعشه حتا بيبان
ساب حب حياته عشان فى ظروفه غلبان
ممعهوش تمن شقه ولاوظيفة بشهادة تخرجه
زيه ذى ابن الشبعان
الى معاه الوسطه والنفوذ كمان
يا نعمة النسيان
نسينى كمان وكمان
....بقلم شاعر العامية (أيمن محمد الوردانى)

الجمعة، 4 ديسمبر 2015

\أغنيه جديدة بقلمى \
.....ياعنى ايه .......
ياعنى ايه جى تشكى
ياعنى ايه تبعنى وتبكى
ياعنى ايه خيانتك ليا
وحبك كان مسلسل ومسرحيه
ومشوفتش منك حنيه
وجيت كتير عليا
ومشوفتش منك تضحيه
خليت الدنيا جنة بنسبه ليا
كونت عايشه معاك الوهم
وكئنى بتنفس فى الميه
رسمتلى فى الخيال قصور
من الذهب والماس مبنيه
ومفوقتش من الوهم
غير لما شوفت خيانتك ليا
وطلعت انا الضحيه
وخدنى مجرد تسليه
وكان حبك مسرحيه
وكنت انا البطلة والضحيه
لعبت كتير بمشاعرى
وقتلتها بدون رحمة ولا حنيه
وف الاخر بتشكى منى انا
وجى تبكى ليا
وتقول سامحينى دنتى الى ليا
دى كذبة جديدة
عشان ملقتش ضحيه جديدة
وجى تكمل معايا التسليه
حرام عليك سبنى بقا
كفاياك جروح فيا
....بقلم شاعر العامية (أيمن محمد الوردانى )

الثلاثاء، 1 ديسمبر 2015

الحب مبين اتنين
حاجه من اتنين
سحر يخطفك بلعين
راحه بين الطرفين
عشق مالى القلب والعين
دموع بفرحه وشجن ينسيك حزن السنين
تضحيه كبيرة متكتبش فى سطرين
عايذة صفحات كتيرة يملوها الاتنين
ومستحيل الخيانة تكون وسطيهم
مدام حبهم حقيقى الاتنين
الحب مش جمال ولا بشكل فى العين
الحب احساس ميتوصفش بين الاتنين
الحب لغة لقلوبهم وتسحرهم بشجن وحنين
ومهما كتبنا عن الحب مش هتكفيه دواوين الشعر
لان احساسه يخطف القلب والعين
......بقلم شاعر العامية (أيمن محمد الوردانى)
الالم صعب
بس الجرح اصعب
والنفوس كرب
والخنقه بتتعب
ااااااااااه يا عصر النفاق
ياعصر الوجع والرياء
الناس حياتها نفاق فى نفاق
والدنيا شبر فى زوقاق
قطعو الرزق وخنقو الواد
فى عصر القوة مش الضعفاء
الدنيا زوقاق فى زوقاق
والضعيف اصبح موعتاد
ظلم وجشع ورياء
اااااه يا دنيا الجوبناء
وجعك ملوش علاج
وسرقو الحلم وقتلو الواد...
.....بقلم شاعر العامية (أيمن محمد الوردانى)
ليه بتهربى من كلامى
ليه كل ما اكلمك تهربى من قدامى
هوا انتى ليه بتعندينى
هوا انتى ليه بتكسرينى
عملت كل حاجه علشانك
ولاانتى فكرانى بحبك ضعيف قدامك
رسمتيلى قصر وفيه بوستانك
جنينه حلوه وفيها الوانك
وعيشت معاكى الحب والحانك
ضحيت بكل الى حوليا علشانك
ولما كنتى تطلبينى تلاقينى قدامك
طب اعمل ايه علشان ارضيكى
دنا بعمرى وحياتى افديكى
ولو كان عمرى تمن ليكى
ابيع حياتى واشتريكى
واعرفى كويس انك مهما هربتى
وبقيت ماضيكى
برضو عمرى مهنساكى لانى بحبك
وهفضل شاريكى
.....بقلم الشاعر العامى (أيمن محمد الوردانى)
يالى فؤادك مذلة
ونسمة هواك طلة
خلت لقلبى هله
لحنت لقلبى غنوه
بلحن العبير جنة
تشجن على وتر القلب وتستنه
بضخ الدم تتغنه
حبك بيجرى فى دمى ويتغنه
قلبى يضخ الدم بحبك ويتمنه
فؤاد قلبك يحن عليه حنه
يالى فؤادك مذلة
بعشقك انا عشق المذلة
وف حبك انا طير
فى السما غنه
ياريتك تحس بحبى ليك
وتحن عليه ولو حنه
دنا قلبى ملك ليك
وبيلحن حبك ويتغنه
يالى فؤادك مذلة
....بقلم الشاعر العامى (أيمن محمد الوردانى)