شعر اطفال الشوارع \شاعر العامية (أيمن محمد الوردانى )
..............................
ولامتا هنفضل كدا 
نحط ايدنا على خدنا 
والدمع نازل مننا 
ولامتا هنفضل فى توهه
ويدوب بلقمة نسكت بطننا
من الظروف والبرد الى هرا جلدنا
دا احنا الفقير مننا
الكراتين غطاه فى عز ثلجنه
وبقيتنا بينام فوق بعضه عشان الدفا يلمنا
والامراض اصبحت جزء من دمنا
وبقينا تجراة للأعضاء والكفره بينهشو فى لحمنا
وعشان نجيب لقمة تلمنا
وتسد جوع بطننا
بنبيع المناديل ونمد ايدينا والدموع مليه قلبنا
اهلنا من مشاكلهم رمونا
وبقت الشوارع تلمنا
فينا المواهب وفينا المشاغب
بس الطيبه فى قلبنا
ومهما كنا اطفال شوارع
برضو بشر بس مش لقيين مكان يلمنا
اوحد يدور علينا ويلم جرحنا
فى دار رعاية دار ميتم
ولا المسؤلين مشغولين عننا
هوا احنا مش بشر ولا احنا مش من شعبنا
ياناس يا عالم احنا مش غجر
ولا شئ مشبوه احنا اطفال
استغنو عنا اهلنا
ورمونا فى الشوارع هنا
وملقناش مكان يلمنا
ومحدش حاسس بجرحنا
احنا اطفال الشوارع
بشر عايش وقلب جوا مننا
حسو بينا يرحمكم ربنا .......
....بقلم شاعر العامية (أيمن محمد الوردانى)

ليتنى اموت حتا من الفتن استريح 
واموت على الشهادة 
ويكون وجهى فريح
ويذهب الهم من قلبى مع الريح
هم وطنى العربى وشعبه الصريح
الذى دمائه سالت بين متشرد وقابيح
وتفرقت ذعمائه مع مهب الريح
بين عدو كاسح وبين عدو امريكى سافيح
و الروم من الاوربين
نقلد السوء فيهم ولا نقلد الصحيح
طاغ الظلم فينا ومتا من الظلم نستريح
يا امة الاسلام لقد وقعت الفتن بيننا
والعدو فينا فريح
تهب ثورات شعوبنا
وتسفك الدماء ويقع منا الجريح
وتسرق الثورات من ظالم موبيح
وتفككت الامة والكل فيها جريح
يا امة العرب اصبحنا فى تفريق
واصبح كل منا بوجعه جريح
فليتنى اموت حتا من الفتن استريح .......
........بقلم الشاعر (أيمن محمد الوردانى )

ومين فى الدنيا مش مفتون

ومين ظالم ومين مظلوم

ومين مش عارف المضمون

زحمه وتوهه ووجع وجنون

وياما كترت بينا الظنون

بين فعل وفاعل ومفعول

وبين واحد من الظلم بقا مجنون

طب لو شلنا الفتحه وشدينه النون

هتلقيها نفس المضمون

وكل واحد فينا من الوجع مألوم

وكل معنى وليه اعراب

واعرابنا فى العرب مفتون

توهه وحيرة ووجع مكتوم

وظلم وجشع وعلى بعض بنلوم

ولامتا هنعيش فى توهه

وتقتلنا الظنون

...........بقلم شاعر العامية (أيمن محمد الوردانى)

.....وايه الجديد.....
عام قديم عام جديد
كل الشباب مادد الايد
علام متوسط علام عالى
والشباب على القهاوى بيذيد
لا فرص عمل ولا شغل بيذيد
سنين عمر بضيع ومفيش مفيد
طب وايه الجديد
عشان نقول عام سعيد
مستقبل ضايع والظروف على المجيد
والهم مالى القلب وبيجرى فى الوريد
حتا الشهادة مفيهاش مفيد
خدنا العلام العالى
والوسايط ماشيه بلايد
والضحك شغال ويقولك فرص العمل بتذيد
وحتا الغوربة عشان نتغربها
بندفع كل الى ف الجيب
ونبيع الى حيلتنا ومفيش مفيد
ونبقا للكفيل عبيد وهوا السيييد
طب وايه الجديد
عام قديم عام جديد ....
بقلم الشاعر العامى (أيمن محمد الوردانى)

يعنى ايه تتئسفيلى
وانتى كنتى خلاص نستينى
وكنت انا الضحيه غير جروح سنينى
دلوقتى بس افتكرتينى
لا هقولك سامحينى
مش انا الى ادوس على كرمتى
بعد ما انتى عذبتينى
فضلتى المال عليا وسيبتينى
انا الى كنت بحبك اكتر من نفسى
ليه ظلمتينى
دا كنت اوهبلك روحى ونور عيونى
وكنت ببخل على نفسى عشان مهرك
ياضى عيونى
دا حبى ليكى كان يكفيكى عشان شاريكى
وكنت بضحى ليكى تيجى انتى وتبعينى
تفضلى عنى الى عنده المال وتسبينى
وبعد ما سابك رجعالى تتئسفيلى
كنتى من الاول اخترتينى
دنا كرهت حياتى ومحبينى
وعشت جروح ونار بتكوينى
صدقينى بسببك كرهت سنينى
وعشان كدا هقولك لا سامحينى
.......بقلم الشاعر العامى (أيمن محمد الوردانى )

شعر اطفال الشوارع \شاعر العامية (أيمن محمد الوردانى )

..............................

ولامتا هنفضل كدا

نحط ايدنا على خدنا

والدمع نازل مننا

ولامتا هنفضل فى توهه

ويدوب بلقمة نسكت بطننا

من الظروف والبرد الى هرا جلدنا

دا احنا الفقير مننا

الكراتين غطاه فى عز ثلجنه

وبقيتنا بينام فوق بعضه عشان الدفا يلمنا

والامراض اصبحت جزء من دمنا

وبقينا تجراة للأعضاء والكفره بينهشو فى لحمنا

وعشان نجيب لقمة تلمنا

وتسد جوع بطننا

بنبيع المناديل ونمد ايدينا والدموع مليه قلبنا

اهلنا من مشاكلهم رمونا

وبقت الشوارع تلمنا

فينا المواهب وفينا المشاغب

بس الطيبه فى قلبنا

ومهما كنا اطفال شوارع

برضو بشر بس مش لقيين مكان يلمنا

اوحد يدور علينا ويلم جرحنا

فى دار رعاية دار ميتم

ولا المسؤلين مشغولين عننا

هوا احنا مش بشر ولا احنا مش من شعبنا

ياناس يا عالم احنا مش غجر

ولا شئ مشبوه احنا اطفال

استغنو عنا اهلنا

ورمونا فى الشوارع هنا

وملقناش مكان يلمنا

ومحدش حاسس بجرحنا

احنا اطفال الشوارع

بشر عايش وقلب جوا مننا

حسو بينا يرحمكم ربنا .......

....بقلم شاعر العامية (أيمن محمد الوردانى)