حياة والم

ااااه يا عصر النفاق 
اه من وجع الاحباب
الدنيا نفاق ورياء
متخفيه ورا الابواب
ووشوش فى مريات
متنكره وليها حكايات
وقلوب الى جواها مات
بانت فى الازمات
وطلعت منها المعيرات
وطعنى بجرح من سكات
وجرحى بينزف للممات
مخنوق والوقت اهو فات
جرحى ياناس مكتوم
ومدارى فى الهدوم
بينزف ومش ملموم
ولى جرحنى حبيب
من غير عتاب ولا لوم
بان كل الى جواه
وعايرنى بلمحروم
انا بموت بهدوء
وصوطى بقى مطلوق
اااااه يا عصر النفاق
.....بقلم الشاعر(أيمن محمد الوردانى)

حياه والم

اااااه يا ولدى
من ارض ل ارض يا كبدى
اتفنيت ومن ظلم لظلم
يا سندى
ونستك الايام ومبقتش حر
على ارضى
وحالك معدش يسر
ودوقت كتير المر وتقول يا بلدى
امك مطمع للكل ياولدى
عرفه انك تايه مبين قهر وذول
ومستقبل ضايع والظهر اتحنا
وتقول دا قدرى
امك بقالها الاف السنين بتكر
وخيرها مش للكل
وصدرها نشف ياسندى
ياابنى امك بتبكى عليك
وتقول مهوش بئديك
وعزراك يا كبدى
اوعاك تكون من الحرافيش
وخليك وحش مخيف
فى وش الظلم يا ولدى
وقلبك خليه نضيف
واقف فى وش الريح
ومتخفش وقول بلدى .....
.........بقلم الشاعر العامى(أيمن محمد الوردانى)

حياه والم

امتا تهون الايام
والزمن ملوش ملام
وامتا الحر ينضام 
وملامح وشه تعبان
وامتا الجبان يكسر خوفه
ويطلع من شق التعبان
وامتا الميه تروى الارض
وتأكل الجعان
وامتا الحق يرجع للغلبان
وامتا الشريد يرجع الاوطان
وامتا الشهيد يرتاح
لاجل حقه كمان
هقولك لما شمس جديدة
تطلع على الاوطان
والربيع من جديد يرجع
ونتوحد زى زمان
والنور من تانى يسطع
ويمحى كل الظلمات
والمحاكم من تانى ترجع
تحكم بعدل الله
وترجع حق كل شهيد مات
وحق كل ام اتملا قلبها اهات
وحق كل شاب حقه ضاع من سكات
وشاف زول وقهر ووجع للممات
وحق كل مسكين
مش لاقى دوا ولا حقه فى المستشفيات
اهو حلم كلنا بنتمناه
عشان نرجع للفات
اصحى يا كل ضمير
فى كل قلب من جواه مات
فى كل قلب من جواه مات .........
..........بقلم الشاعر العامى(أيمن محمد الوردانى)

حياه وعذاب

العشق قصة جوا القلب ولا عمره يتقال
العشق بيبان من الروح ومتقوليش انا دجال 
العشق حب بيبوح وليل نهار شغال
وف عشق الوطن انا اصبحت انسان وهمان 
والشعب اصبح غجر وبيستخبى فى شق التعبان
بيصدق كلام الغفر والعمده عامل ولهان
والبندقيه على الراس بتهدد الحر وتخوف الجبان
وكل الى ايد العمده هيدوق مرارة الايام
غير اللحاف والغطى والكل بقا عريان
والغيط هيصبح فضى ومفيش زرع كمان
لان الجسر اتبنى على ترعة الغلبان
افرح ياشعب بعمدتك الى فى حبك هيمان ....
.........بقلم شاعر العامية (أيمن محمد الوردانى )

روعة الاسلام

جانا رمضان
شهر المغفرة والصيام
جانا بسرعة اوام
شهر الصيام والقيام
والناس بتتحايل على الايام
من التعب فى العيشه والهوان
فيهم الى موظف ولى غلبان
ولى على دراعه
بيستنى يوم يشتغل وعشرة ينام
والاسعار فى الزيادة
والغلبان فى هوان
ولى مستنى العلاوة
وعايذ راتب عشر شهور قدام
انا بحكى ظروف شعب
كسرته الزحام مبين
عبادة وصوم
ومبين ظروف الايام
شعب غلبان راضى بظروفه
ولسانه ممسوك بلجام
نفسى فى شهر الرضا
يكسر خوفه
ويطالب بحقه كأنسان
عشان ينول رضا خاطره
ورضا الرحمن .....
...بقلم (أيمن محمد الوردانى )

حب وعذاب

اتخدعت فيكى 
فى ضحكتك فى نظرة عنيكى
اتخدعت فى لمسة اديكى
وحبيتك حب كبير 
رغم انى عارف كل ماضيكى
ضحيت بأغلى حاجه عندى
وبعت كل دنيتى عشان اشتريكى
اديتك كل ماعندى من حنان
وانتى ولا همك كل حياتك
انك بدورى على الى فات
وطلعتى وخدانى عشان انسيكى
بدورى على نفسك بس
ونسيه الى حبك وشاريكى
وخدانى استيكه لزكرى
بتألم فيكى
كان حبك ليا خدعه
ولا كان انتقام لماضيكى
والله حبيتك
وضحيت بكل حاجه ليكى
عيبك بتفكرى بعقلك
وقلبك ركنتيه عشان بيألمك
من ماضى كان بيألم فيكى
حتى كلامى الى خارج من قلبى
ولا بيأسر فيكى
هوا انتى وخدانى سلعه
ولا خدانى عشان انسيكى
انتى منتش حسه
انك بتقتلى فيا
وفى قلبى الى شريكى
ملامح وشك اتغيرت معايا
وبقيتى تبعدى عنى
رغم انى بموت عليكى
ليه بتقتلى فيه
وتعذبى انسان كان كل همه
انو يحب ويتحب
ويعيش مرتاح وينسى المه بيكى
وصدقينى هنصحك نصيحه
انسى ماضيكى
وافضلى مع الى شاريكى
لان الذكرى الصعبه
ممكن تمحينى وتمحيكى
ممكن تمحينى وتمحيكى ...
.........بقلم (أيمن محمد الوردانى )

حب وعذاب

كتبت زمان عن الحب 
ومكنتش اعرف معناه
ولما عرفتك حسيت 
بالحب ومعنى الحياه
بس جواكى الم وشك
تايه انا جواه
ليه مش وصقه فى حبى
الى انا متعذب بهواه
دنا اضحى بعمرى
ليكى يا احلى حب
كنت زمان بتمناه
دنا اموت من غيرك
وانسى طعم الحياه
خايف يجى يوم
وتحولى تسبينى
وقلبك انا اموت وراه
والله العظيم بحبك
وبقلبك انا اتولدتلى الحياه
يا احلى غنوه فى قلبى
يا نسمة هوا نستنى كل اه
اه من خوفى وغيرتى
اه والف ااااااااااه
خوفى عليكى يا حبيبتى
مخلينى عايش
كما التايه يا ولداه
بحبك اووووى يا حبيبتى
ومن غيرك مفيش حياه
ومن غيرك مفيش حياه...
.......بقلم الشاعر (أيمن محمد الوردانى)

روعة الاسلام

رمضان كريم يا بنأدمين
رمضان شهر التوبة وشهر كريم
مش للحلويات واكل الثمين
مش شهر المسلسلات والفنانين
مش شهر الاغانى ومقالب المعفنين
رمضان شهر التوبة وعبادة الرحيم
رمضان قيام وتهجد وانين
رمضان قرأن ومصحف كريم
رمضان سحورة بكى ودمعتين
لجل يستجاب رب العالمين
رمضان دعاء واحنا ساجدين
رمضان شهر الغفران
ودعاء وانين وف قلوبنا نقول امين
وليلة القدر وذكر وحنين
وبكاء ودعاء لله الرحمن الرحيم
اتعظو ياناس يا مسلمين
رمضان مش شهر الفتنه والفنانين
رمضان حكمة من رب العالمين
وغفران لزنوبنا وفرض على المؤمنين
رمضان شهر القيام والصائمين
رمضان شهر الموحدين الساجدين ...
.......بقلم الشاعر(أيمن محمد الوردانى)

دنيا وعلام

كنت فاكر زمان الذكره والعنوان
كنت فاكر زمان ايام اللمه والخلان
لما كان الناس لمه وكان فى جيران
جيران تخاف على بعض
وتقول احنا اهل وخلان
كانت تقف فى الظروف وف الامتحان
البيت جمب البيت وشوارع زمان
وكان الكل اهل فى الخير
وف الشدة كله بيبان
يقف معاك ووراك
ويقولو احنا ولاد حته واحده
واهل وخلان
كان فى كل حاره زوقاق
ومكنش حد بوشوش
متخفيه ورا الابواب
تقول عليك كلام سم
ولا تقطيع ارزاق
كان الخير بيلم
الاهل والاحباب
ولا كان حد يزم
ولا كان فى حقد
ونقول كلنا احباب
وهما دول اهل زمان
دلوقت الحاله تغم
وكترت الاسباب
هوا الزمن غير النفوس
ولا الناس بقت زى الامواج
مع جو العصور تهيج
وتعلا مع الاسباب
وتعلا مع الاسباب .......
......بقلم (أيمن محمد الوردانى)

دنيا وعذاب

يااااااه على الذكريات
الذكريات الى فيها حكايات
الى فيها قلوب كانت 
بتتعرف بحب الملزات
والوشوش الى كانت مريات
وحب النفس وحب الزات
ذكريات اليمه فيها الم
وفيها كتييير ابتسامات
ذكره تتكتب فى تاريخ احلى الاوقات
وذكره تتمحى من الحياه
وبتسيب جواها علامات
وذكره حلوه مع الاهل والاخوات
وذكرة صاحب جدع فى الازمات
وذكرة خاين متتمحيش وتسيب
الم وجروح للمات
وذكره حلوه مع حب ابتدا
وحب مات
ومهما قولت عن الذكريات
هلاقى نفسى بكتب ابيات وابيات
ولكل ذكره كتاب
فيه وجع وفيه ملامات
وفيه فرح وفيه ازمات
وفيه حب للمال والشهوات
وفيه ظلم وابتسامات
يا رحلة الذكريات
كفايانا اهات
ولكل قلوب بديات
ولكل قلوب بديات .......
......بقلم (أيمن محمد الوردانى)

حياه وعذاب

هحكى حكايه بسيطه
حكاية انسان اتولد فى ظيطه
والحياه فى طفولته كانت عبيطه
كان مجرد طفل عيشته تنطيطه
يلعب وينط ومش ناعى للدنيا 
اى فتلة خيطه
ولما كبر شويه حس بلدنيا
وقال امتا اكبر ويتفك عنى التحويطه
وابقا حر والحياه هتبقا سهله وبسيطه
وبعد مرور السنين
وبقيت فى سن العشرين
لقيت الحياه والناس مجانين
والمستقبل خلاص اجيبه منين
وازاى اجيب قرشين
ولا احوش للسنين
طب ازاى ومفيش شغل ولا روتين
ويوم شغال وعشره قاعدين
واب كبر والمسؤلية مسؤليتين
مسؤليتى ولا مسؤلية اهلى
الى شالونى سنين
غربة قولت اتغرب
بس الغربة عايزه تمن قيراطين
لقيت نفسى ضايع ومستقبل
ضايع مع السنين الجايين
قولت ابيع نفسى
بس مين يشترى ومين الشاريين
العمر ضايع ضايع وانا من الصابرين
ولما لقيت انسان اخترته
وحبيته وقولت حياتى ليه
وبلغالى اشتريته وحياتى فيه
ومن ظروفى عايز يسبنى
وطعنى بجرح والدم شاريه
ولامتا هفضل على حالى
واصبر على الى انا بيه
هقف وقفة الجبال
والحزن هستر عليه
ببسمة والوش خالى
من الزمن ولى حوليه
وهبنى نفسى بنفسى
ولو الموت هيمحى الى انا فيه
ولو الموت هيمحى الى انا فيه.......
.......بقلم (أيمن محمد الوردانى )

دنيا وعلام

ماتت الضمائر من قلوبنا
واصبحنا نبيع اعمارنا
والموت اصبح راحة لنا
والدنيا قبر المؤمنين
وجنة الظالمين
فلخوف اصبح فى القلوب
يجرى فى الدماء والشرايين
والبكاء والدمع اصبح يملاء العيين
والقلوب تنزف حنين
لاحبة تعلقنا بهم وبيننا انين
واذا فارقونا ؟
اصبحت القلوب تبكى
والعين تدمع الدم من العيين
فأدعو الله من كل قلبى
ان يجعل فراقى عن الدنيا
قبلهم اجمعيين
قبلهم اجمعيين .......
بقلم .......عذاب السنين (أيمن محمد الوردانى)

حب وعذاب

دنتى روحى وحبيبتى
دنتى امى وزوجتى
دنتى اختى وبنتى
هشكى لمين الى جرحنى
ومين يطبطب ويداوى جرحى
غيرك انتى يا حبيبتى
الايام هتكون من غيرك سنين
وهكون من بعدك حزين
وقلبى مجروح وخوف وانين
والشهر هيعدى بملايين
هيكون عذاب وحنين
هيكون قلق وسكاكين
بتقطع فى قلبى المسكين
هكون ذى اليتيم
هكون جسد عايش
من غير روحه
وتايه شريد حزين
وهفضل على كدا
لحد متيجى وترجعى روحى
وفرحتى وضحكتى
وانا كلى حنين
وانا كلى حنين .......
.......بقلم (أيمن محمد الوردانى)

أعجبني

أعجبني

أحببته

هاهاها

واااو

أحزنني

أغضبني

ت

اعياد

جانا العيد بلفرحه
جانا العيد متزين بلرحمه
جانا العيد بعد شهر كريم
وكان القلب عمران والنيه مسامحه
كنا فى صيام وبركه
كنا فى قيام ورأفه
ونسمع ونقرأ قرأن
وقلوبنا مليانه فرحه
جانا العيد هديه من الرحمن
بعد شهر الرحمه والغفران
والقلب متزين وعمران
ونسلم على الاهل والخلان
ونعيد على الصحاب والجيران
ونقعد نفتكر ايام زمان
والعيديه والفسح والجناين والبستان
واحب اقول لكل المسلمين
فى كل مكان
كل سنة وانتم طيبين يا اخوان
يااهلى يا اصدقائى يا جيران
جانا العيد والكل فرحان .......
.......بقلم (أيمن محمد الوردانى)

دنيا وعلام

يادنيا صبرك عليا
مشوفتش منك غير تعب ليا
وغير اذيه
طول عمرى شايل الهم
ومحدش شال ليا
كانت الايام هم وجروح فيا
ومن كتر الجروح معتش دم
ولاشوفت رحمه ولا حنيه
الشيبة بانت فى ملامحى
رغم صغر سنى والذمن قصر فيا
كبرت من كتر همى
والدنيا جت كتيييير عليا
ولما ضحكتلى
ضحكت ضحكه مش عادية
لقيت نفسى مع شريك
شال عنى واهتم بيا
بس الدنيا مش صبره عليا
جيبالى محن ومهان
وطريق شوك وميه
وجيبه معاه صعاب ومأثره عليا
بتحاول تبعد اغلى شئ عنى
ومكسره الطريق ليا
حاسس ان جبل عالى
وطلوعه صعب
وبيهيل تحتيه
لاكن هقف بجد
واكون صلب للمحن
اكسر كل صعاب ليا
مش هستسلم للاحباط
ولو بأخر نفس ليا
ولو بأخر نفس ليا .......
.......بقلم(أيمن محمد الوردانى)

حياه وعلام

هحكى حكاية شاب
من شباب مصر الغاليين
الى اتولدو فى الدنيا
وحقوقهم ومستقبلهم مش عارفين
شاب اتولد فى الدنيا 
وكان طفل بيلعب وبيقول
هبقى ذى مين ومين
طفل بقا مش عارف الى جى مين
يعنى لا كان يعرف وسايط
ولا ظلم ولا ظالمين
كبر شويه بشويه
واهله صرفو عليه بدم السنين
وعرق ابوه الى مغرق الجبين
اتخرج وخد شهادة
ذيه ذى غيره من سنه كتير
بدء يقول ادور على مستقبل
والحلم الى بحلمه من سنين
لقى كل حاجه مشيه عكس
وعرف الحقيقه الغلبان المسكين
لقى وسايط ودوخه وحقوق ضايعه
وضرب ومهانه وقعدة قهاوى المتخرجين
قال مفيش فايدة اسافر واتغرب
ذى ذى التانيين
اسافر الخليج واشتغل امن وحراسه
واتزل عشان اجيب قرشين
من حتت كفيل ينهب عرقى
واكون ليه عبد ذليل
ولا اسافر اوربا
واجيب فلوس كتير
عشان السنين الجايين
بس سفر اوربا غالى
ومحلتيش واجيب فلوس
لاوربا يا ناس منين
انا اخد فلوس جهاذ اختى
الى ابويا محوشه من سنين
ولما اسافر اجهزها انا
واعملها احلى ليله وعورس كبير
دفع فلوسه لناس مهربيين
يسافر عبر البحر
ويعدى الحدود بعد يومين
وهوا وحظه يا يعدى ويحقق هدفه
يا يموت ويكون غريق
نزل فى عذ اليل الميه
وقالو فاضل على الشط ميلين
هوا وشباب غيره كتير
غرق الولد ومات المسكين
لا حقق مستقبل ولا حلم
ذى الى كان بيحلمه غيره كتير
رجع لاهله جسه هامده والسبب مين
السبب نهب البلد والخير للتانيين
شباب ضايع حقه وحقه يجيبه من مين
وابن الباشا باشا
وابن الغلبان متحطم وحزين
ملوش حق فى بلده
ولا ليه مستقبل ولا حتا روتين
قصه بسيطه من ضمن قصص كتير
وناس بسيطه ومجروحين
وناس فى ظيطه بسلطة مرتاحين .........
........بقلم (أيمن محمد الوردانى)

حياه وعلام

كتبت ياما عن الحياه
لقيت الحياه كلها اااااه
الفرح فيها سطور
فى وسط صفحات
والباقى الم يا ولداه
خيانه وظلم وقهور
وعتاب ولوم وخداع
لقيت الحياه جسور
والفرح محسوب بل اه
يا قلب يا معتوه
من الوجع فى الحياه
عديت ياما بحور
وشكوتك لله
طول عمرك وسط نسور
بتنهش فى لحوم عصفور
ويمامه طايره هناك
بتحاول تعدى السور
وانكسر ليها جناح
لقت صقور ونسور
بياكلو الضعيف فى سماه
والحياه بقت بحور
والموج بيعلا مع المدات
مد وجزر وغيوم
تضلم النور والحياه كلها عقبات
وكتابى مهما وصفته
اصعب من الازمات
ومش كتابى لوحده
دا فى كتير كتابات
مليانه سطور رحله
كلها ازمات وعقبات
والدنيا دى رحله
لحد منوصل هناك
لحد منوصل هناك .........
.........بقلم (أيمن محمد الوردانى)

حياه وعلام

عجبى على ناس وخده الحياه سلعه
وناس خلت للشريف سومعه
وناس خلت للخسيس لمعه
وناس تحى وتهلل للظالم 
وتبوس اديه وتنزل الدمعه
وتدوس على الغلبان
وخلته من العبيد يتباع وينشرا
وملوش فى سوق العبيد سلعه وعجبى .........
........بقلم (أيمن محمد الوردانى)

حياه وعلام

روح وجسد وحياه
ومية الف اااااه
وعناد وتعب تلقاه
فى وشوش كتيييير
وفيها الامل شيلاه
وفى قلوب متجرحه يا ولداه
بين يأس وحب وطموح
ضايع فى الحياه
وفى قلوب ذى الحجر
لابتلين ولا بتقول اه
وفى الى مسكين تايه ومتشتت
فى الدنيا ولا نلقاه
وكل واحد متفكك بهموم دنياه
شايل على قلبه ومتقل
وبينطق بلمعانى الى جواه
والدنيا فى الماضى غير الحاضر
وغير الى مع العصر جيباه
يا ابن ادم اتجدد بتقوى الله
وخلى ايمانك متجدد بذكر الاله
وطول منتا متشتت
ارفعله ايدك فى سماه
وخليك بدينك متمسك
وسيبك من ذنوب بتجدد مع الدنياه
وحد وسبح وتمتم بحمد الله
هتلاقى كل شئ بيتبدل
وهتلاقى مليون حياه
وكل طريق متسدد هيتفتح
وكل طريق جميل تلقاه
وكل طريق جميل تلقاه .........
.........بقلم(أيمن محمد الوردانى)

دنيا وعلام

ما بيهمنيش كلام الناس 
وانا طيب وكلى احساس
وقلبى طيب ذى الماس
مش غرور فى النفس
لاكن طبع فيا واخلاص
مش معنى انى مبردش
على اى وحده واديها اهتمام
يبقى انا اى كلام
دا مبدء عندى وليه اساس
انا طبعى طبع احترام
وبصون النبع وابن كرام
وزوجتى عندى بلدنيا والناس
وذى ماقالو قبلى
كلام الناس ذى الجذم
وف الارض بينداس
ولى يمشى بمبدء الناس
هيبقا فى ودانه ديما وسواس
انا حبى لزوجتى كله اخلاص
واخلاصى لربى هوا الاساس
ومن فضل ربى انى حساس
وانا ابن اصول من نبع فلاحى
اصيل وليه مليون احساس
بكتب للغلابه الى حقهم بينداس
وبكتب عن شعور المظلوم
وبكتب عن الجعان والمحروم
ولاذم احس لان احساسى هوا الاساس
لان احساسى هوا الاساس..........
..........بقلم (أيمن محمد الوردانى)

الصداقه الطيبه

شعر...اهداء لكل اصدقائى
.......................................
كان يا مكان
وكان الى كان
وف نفس المكان
واللمه والخلان
وايام زمان
ايامنا الحلوه ولمة الاهل والجيران
ايام وذكرة ليها فى القلوب والعقول عنوان
ايام طفولتى ايام بدايتى
وكان الامل لسه بيبان
وكان لكل ذكره حجات حلوه
مع اصحابى بتوع زمان
كونا لمه كونا نخاف على بعض
ومكنتش الهموم اترصدت للكيان
كان كل واحد بيحلم حلمه
عشان يحققه قدام
ولما كبرنا شويه بشويه
بقت الايام تبعدنا والظروف كمان
والهموم بدت تنزل
والاحلام طارت مع الايام
وبقينا عن بعض بنبعد
وفرقتنا الهموم مع الزمان
وبقا كل واحد فينا ضايع
وحموله بقت جبال تنشال
واتنست الطفوله الحلوه
والصداقه اصبحت سلام
ولما نتقابل نقول
راحت فين ايامنا الحلوه
ايام زمان وكان يامكان
وكان يامكان .........
..........بقلم (أيمن محمد الوردانى)

حياه وفرح

الفرحه ليها حياه
الفرحه بتشيل ال اه
الفرحه تكتب الامل 
وتبقى فى القلب ويامحلاه
فرحة الاهل واللمه
فرحة الحب والغنوه
فرحة الزوجه الصالحه
فرحه الصحبه والعزوة
وبتنسيك هم الحياه
ومهما كنت شايل من الهموم جبال
ومعتق على ظهرك يا ولداه
وتشيلك امواج ومهب الريح
وف الهموم والحزن والاسى
بتعانى وتزعق مليون اه
قعدة الاهل والزوجه الحلوه
بتنسيك كل دا بأوان
يا دنيا مهما كان العناد والتعب فيكى
والزمن جى علينا الفرحه حلوه
وبتنسيك مليون هم واه
وخلى الهموم تحدفك
والدموع تزرفك
والحياه تنرفزك
انسى الهموم بلفرح
لان الفرحه مع الزوجه والاهل
تنسيك موعناة الحياه
تنسيك موعناة الحياه .........
............بقلم (أيمن محمد الوردانى)

شعر لكل مغترب مصرى

شعر اهداء لكل مغترب مصرى بقلمى /أيمن محمد الوردانى 
.......................................................
يا متغرب برا بلادك
يا ابن مصر وسيبوك اهلك وولادك
وشايف الذل ويخبطو على بابك
نهبو الخير وعارفين عذابك
وعارفين انك طير وسايب احبابك
لجل العيش وتوفير لاغراضك
تتهان وتلف وسايب ترابك
وغير العرق الى مغرق سيابك
عشان تبنى مستقبل
ليك ولاهلك وولادك
عشان نهبو الخير وحقك فى بلادك
وغير الذل وموتك برا وطنك واحبابك
وغير الاهانه وكرامتك الى اتشالت فى اغراضك
عشان القرش وموت اوطانك
واهلك ودمك الى ماتو فى غيابك
من غير متشوفهم وتبرد عذابك
وكمان جايين ينهبو احلامك
ويشيلو كمان من اموالك
الى جى بذل واهانة ذاتك
ميعرفوش انك عصفور
فى وسط نسور مجروح ومبسور
وبدور على عش ورا السور
لاجل متتشافش ولا ياكلوك
وتعيش وسط اهلك مسطور
وكمان جايين يهدو السور
ويهدو احلامك ويقولك منصور
حرام الذل حرام العيشه
خافو الله دنا منشور
وجناحى مكسور
وعايش غلبان ومتهان علشان الحبه
تبرد جوف وتملا المعده ولا اكون ملهوف
واستر نفسى واستر اهلى وبرغم الخوف
ارحمو شبابى وضعفى
دنا سايب وطنى لاجل اعيش مستور
لاجل اعيش مستور............
............بقلم (أيمن محمد الوردانى)

حب وعذاب

ياقمر ومنور فى سماه
سبحان من رفعه وعلاه
وجعل نوره بدر فى السما وهلاه 
ياورده وبتفوح بعطرها
تفتح وتنور فى البستان وياهناه
هناه الى يطل على جمالك وما صلاه
على النبى وسما بسم الله
يالى خليتى قلبى ما احلاه
ولونتى حياتى بهجه
والوان الزهور ملاياه
وحبك جوا نبض قلبى
ينبض بكل حب جواه
يا شريكة حياة وعمرى
يا احلى بخت كنت بتمناه
يالى حياتى فداكى
وعمرى ليكى ولا يغلاه
صبرت ياما فى حياتى
وشوفت معانى والم
ووحده كانت بتخلينى اتألم اه
ولما لقيتك وبقيتى حبيبتى
بقيتى طيبتى وبنسبالى معنى الحياه
يالى حبك غيرنى من الف وش
لوش واحد وحبك خلانى ادوب فى هواه
يالى بقيتى بتسرى فى دمى وقلبى
وف كل ضخه بتجرى جواه يا وصال الحياه
وف كل ضخه بتجرى جواه يا وصال الحياه...........
...........بقلم (أيمن محمد الوردانى)

حب وعذاب

كانت الدنيا حزينة
والحياة اصبحت جريمة
فوجت بنت الشيمة
غيرت ابتسامتى الحزينة
وجعلتنى فى فرحة جميلة
وغيرت الدنيا بترنيمة
وجملت الارض البور
وجعلتها بستان بنسيمه
وجعلت الدنيا بحور
وانا فى الامواج السفينه
اعبر والف الكون
بشراع الحب الوسيمه
وجعلت الهدم قصور
وملئت قلبى السكينه
فهيا بنت الحرمين
ذات الاصول الفهيمه
فهيمة الطيبه والعصور
بين مكه والمدينه
ففى عيناها جمال
يمسح الدمعة الحزينه
ومهما سرحت بلخيال
فحبيبتى ليس لها قرينه
تقارن جمالها وطلتها
وطيبة المجد العظيمه ........
.......بقلم (أيمن محمد الوردانى)

دين وحياه

ياايام البركه والغفران
يا ايام العشرة الكرام
ياشهر الحج والايمان
من اربع شهور الاحرام
ياايام الصوم والنديان
ياالعشرة من الحجه
يا خير الايام
يا مكه يا مدينة
يا زمزم يا طواف
يا منه يا عرفات
يا مزدلفه فى رمى الجمرات
غفر الله للمؤمنين والمؤمنات
ياحج بيت الله يا اوضحيات
يامكه البركه والغفران فيكم هناك
والطواف سبع اشواط
بلبيك اللهم لبيك
والوقوف على عرفات
يتقبل دعائكم هناك
لنزول الرحمن سماء الدنيا
فى هذا اليوم ليستجيب الدعوات
انها ايام الحج ايام الغفران
ايام الاستجابه والطهاره من سبع سموات
وف مكه تلقى العبادات
والقلب يميل للرحمن
والدموع تنزل لجل المغفره والبركات
والعيون والقلب يخشعو
لرب الارض والسموات
يامكه كان نفسى اكون هناك
واغسل ذنوبى والمعصيات
واطوف واحج وانول المغفره
وابقى ذى التوب الابيض
نضيف من الذنوب والشهوات
واذور مسجد الرسول وادعى هناك
واذور مسجد الرسول وادعى هناك ...
............بقلم (أيمن محمد الوردانى)

دنيا وعلام

لما احترت فى الدنيا وفكرت
لقيت الهم متنتور حوليا
وقولت على الفكر يارتنى مافكرت
ولما سمعت الناس وتعبهم تذكرت
قولت ليه الظلم سيطر والدم كتر
وحبس النفس ويارتنى مخترت
ويوم العزل ويوم النذل ويوم الفخس
يارتنى ماخترت ولا نزلت
نزول الفرد نزول الدم نزول الهدم
انا اشتركت ومكنتش فكرت
واشتركت فى قطع الفرد
ونزيف دم هتسأل عنه يوم العرض
ولا احوال الدنيا انا فيها احترت
الزبالة الغلا فيها اصبح رد
اكل للغلابة فى زرابين العد
وتكتر المأسى ويبدأ السد
كلامى ملوش غد
لاكن دا واقع عايش بيتعد
ارقام ورا ارقام والخضرة
اصبحت صحرا مفيهاش حد
اظن كلامى جد
وكلامى الغاز ليها رموز تتفك
عايشينها فى حياة
اخرها قرب جدا بجد
ولسه فى روس فيها حجر مش عقل
لا بتلين ولا بتصدق واقع
عايشينه لهذا الحد
والكلاب بان صوتها وعلا فى كل مد
زى البحور صوت عالى
وملوش فى الواقع حقيقه ليها بتتشد
حقيقه ليها بتتشد ............
............بقلم (أيمن محمد الوردانى)

حب وعذاب

اقدم اعتذارى لحبيبت دارى
اقدم اعتذارى لمليكة قلبى واحترامى
اقدم اعتزارى لزات النبع والفؤادى
اقدم اعتزارى لروحى وعقلى لكل امالى
يا رفيقة الدرب يا عالنة الحربى
يازوجتى وقلبى
اعتذر عن مافاض بى من غضبى
فأذا احزنتك ولم يكن قصدى
فأقبلى اعتذارى ودموع قلبى
فأنا مجرد ملهم فى الحبى
واتشوق لنظرة الفرح فى عينيكى
اقبلينى واقبلى حبى
فأنا اذا احزنتك فهذا ليس ودى
فأنا اخاف على زعلك من الهواء والشربى
حتا اذا غفوت وطالنى النومى
دون ان اقبلكى فهذا غصب عنى
وعندما يفوت يوم دون بسمت الوجهى
اتألم بداخلى ولا ارتاح
ويذوق العذاب قلبى
انتى هوائى ونفسى
انتى الروح والجسدى
ومن يحاول ان يحزنك
او يمحى البسمه من على وجهك
اعلن عليه راية الحربى
اعلن عليه راية الحربى .............
...............بقلم (أيمن محمد الوردانى )